ENDURLÝSING – námsfrøðingar til Dagstovnin við Løgmannabreyt

Tórshavnar kommuna søkir vegna Dagstovnin við Løgmannabreyt eftir einum námsfrøðingi at arbeiða í eini barnagarðsstovu at byrja 1.febr ella eftir nærri avtalu.

Eisini søkja vit eftir tveimum námsfrøðingum at arbeiða í eini vøggustovu at byrja 15.febr - 1.marts ella eftir nærri avtalu. 

Um ongin námsfrøðingur søkir, vera hjálparfólk sett í tíðaravmarkað starv.

Arbeiðstíðin er 30-35 tímar um vikuna, deild upp við skiftandi vaktum ímillum 7.30 og 17.00. Møguleiki er eisini at arbeiða 40 t/v  um tú ynskir tað.

Vit bjóða tær eitt gott og mennandi starv við góðum starvsfeløgum í einum góðum umhvørvi 

Ring og hoyr nærri tlf 219105

Vit gleða okkum at hoyra frá tær  

Um stovnin

Dagstovnurin við Løgmannabreyt er frá 2003, er í Hoyvík og liggur í einum stórum grønum umhvørvi við einum avbera góðum stórum spæliplássi. Vit hava ein stóran deiligan garð, eitt stórt grønt fríøki við nógvum góðum avbjóðingum til børnini at røra og menna seg í. 

Vit hava tvær barnagarðsstovur við 20 børnum 3-6 ár og tvær vøggustovur við 12 børnum 0-3 ár.

Á stovninum er fjølbroytt virksemi, har vit leggja stóran dent á, at børnini hava tað gott, trívast og mennast og fáa góðar upplivingar.

Vit leggja stóran dent á góða móttøku av børnum og foreldrum, ein góðan trivnað, nærveru og góða relatión, felags ábyrgd og gott samstarv bæði á stovuni og á stovninum sum heild.

Vit søkja eftir námsfrøðingum, sum vilja vera við til at styrkja og menna fagligheitina á stovninum í tøttum samstarvi við Børn og Ung í Tórshavnar kommunu og okkara námsætlan, sum eisini sær náttúrina og spæliplássi, sum eitt týdningarmikið námsfrøðiligt amboð.

Setanarviðurskifti

Størvini verða sett sambært sáttmála millum Føroya Pedagogfelag og Kommunala Arbeiðsgevarafelag Føroya.

Umsókn

Umsókn saman við viðmælum, royndir skulu sendast til torshavn@torshavn.fo

Meira fæst at vita

Meira fæst at vita um størvini við at venda sær til Sofíu Nattestad, stovnsleiðara,

Telefon 219105

Teldupost sofian@torshavn.fo